Jan 11 2016
新年伊始，馬時亨「雙喜臨門」，不單止喺元旦日上任港鐵主席，仲就快榮升外公，在猴年抱孫，實在可喜可賀！
Kelly昨天出席馬時亨（Fit馬）大女馬露明（Christine）嘅教育中心擴充典禮，見到Fit馬春風滿面全場飛，不停代囡囡多謝到場嘉賓。
Christine致辭時話，爸爸嘅職業生涯遇到不少挑戰，但憑住毅力都走過左，視佢為一個學習對象，Fit馬聽到囡囡咁樣讚自己，笑到哈哈聲，仲好肉緊咁鍚左囡囡面珠墩一啖，父女情深，小妹在場都覺得甜到漏呀！
但相信Fit馬今年最開心嘅事莫過於抱孫啦！女婿劉仲恒披露，與Christine即將迎來第一個小朋友，但心痛太太為左擴充教育中心而操勞，所以瘦左。佢話，去年底同太太去左泰國曼谷Babymoon兼倒數，享受二人世界。
